Universitetet ofrojnë kurse falas në internet

Zhvillimi i teknologjisë po ecën së bashku me hapjen e mundësive të reja për miliona njerëz anembanë botës
Në vitin 2011, një profesor i universitetit të Stanfordit ofroi një kurs falas përmes internetit për inteligjencën artificiale, dhe më shumë se 160 mijë studentë nga e gjithë bota u regjistruan në të. Suksesi i universitetit Stanford nxiti universitete të tjera të mëdha si Harvardi apo Instituti Teknologjik i Masaçusetsit, MIT, që të ndiqnin këtë prirje dhe kjo solli rritjen e vëmendjes dhe finacime për organizatat që zhvillonin programet e tyre bazuar tek arsimi përmes internetit.
 
Kjo klasë inxhinierie në universitetin Stanford është regjistruar edhe si kurs në internet. Universitetit ofron rreth 30 deri 40 kurse falas përmes internetit, ku janë regjistruar më shumë se 1.5 milion studentë. Ata kanë orare, detyra shtëpie dhe provime, por këto klasa nuk iu njihen për të marrë diplomën. John Mitchell, zëvendës dekani për mësimin në internet në universitetin Stanford, thotë se i ofron këto kurse si shërbim ndaj publikut.

për më shumë informacion klikoni këtu